جديد مدونة كتب الطبخ.

Posted: 13 Jul 2013 05:16 AM PDT

*** صورة الطبق عند التقديم :

*** صورة مقربة :

*** المقادير:
للمرق او الصوص
حبة بصل كبيرة مرحية + سنة ثوم + زيت + ملح + كسبر مرحي + فلفل اسود + شوية دبشة + معدنوس مقطعين وجلبانة انا استعملت 1كلغ
للاعشاش.
قرنون وكاين اللي يسميه خرشوف كيما مكتوب في العلبة خرشوف حسب افراد العائلة انا استعملت المجمد لاني مالقيتش الجديد في المحل لكن القرنون الطبيعي خير من المجمد ويطيب بسرعة على عكس المجمد اللي يطول في طيابو.

250غ لحم مفروم وممكن اكثر حسب الكمية نتاع القرنون اللي عندك + بيضة + 2 سنات ثوم + شوية معدنوس مقطع + ملح وفلفل اسود
50غ فروماج نتاع ميزان نوع باربار تقطعيه الة مربعات
كمية من الزيتون الاخضر اللي تكوني نزعتي منو الملح
فروماج روج او قرويار رابي.

*** التحضير :
في كوكوط حطي الزيت والبصل والملخ والكسبر والفلف اسود وشوية دبشة او حشيش ومعدنوس مقطع

قليهم شوية ومرقي بالماء نحي شوية من الصوص هادي وحطيها على جنب وزيدي كمية الجلبانة وحفنة من الزيتون اغلقي الكوكوط وخليها تغلي ثم نقصي النار وخليها على نار متوسطة من ساعة ونصف حتى ساعتين لاني بصراحة نفضل الجلبانة اللي تجي ذايبة .

في هذا الوقت خلطي اللحم المرحي مع البيضة والثوم والملح والمعدنوس والفلفل اسود.

اعملي شوية كويرات زيديها للمرق وخليها تطيب مع الجلبانة

اما كمية الصوص اللي احتفضتي بيها حطي فيها كمية القرنون على نار هادئة حتى تطيب الحبات وتولي طرية

نحيها وخليها تبرد

جيبي الكمية المتبقية من الزيتون المغلي

اقسمي كل حبة زيتون على 2 من غير ماتقطعيها ولصقيها في قطعة الجبن وزيدي لصقي واحدة مقابلها بنفس الطريقة

ديري شوية من الفروماج روج او القرويار

وفوقو قطعة الجبن والزيتون

وغطي بقرصة من اللحم المفروم

كملي بنفس الطريقة مع باقي الحبات
في صينية الفرن حطي المرق اللي طاب فيه القرنون وحطي حبات الخرشوف ودخليها للفرن على درجة حرارة 220 لمدة 20 دقيقة.

كي تطيب خرجيها وغلفي وجهها بالجبن المبشور ورديها من فوق ختى يذوب ويولي لونو ذهبي.

كي تطيب الجلبانة ويولي مرقها قليل وخاثر حطيها في صحن التقديم وفوقها حبات القرنون وزيني بالمعدنوس وشرائح ليمون.

وهذا شكل الحبة من الداخل امممم

نتمنى يكون عجبكم لانو لذيييييييييييييييييييذ وراني نستنى في التعاليق تاعكم اسفل الموضوع .

* السيدة : بن غيدة .

* 13 / 07 / 2013 .

خبز الدار .

Posted: 12 Jul 2013 10:37 AM PDT

*** صورة خبز الدار :

*** صورة مقربة :

* السلام عليكن اليوم حبيت نقدملكم خبز الدار بطريقتي الخاصةصدقوني هاد الخبز خفيف جدا جدا ومايتشبعش يبان مسكوتة وزيد يحمر الوجه ويتناسب مع العرضات والعزومات نتمنى تطبقوه وتردولي وانشاء الله.

*** المقادير + الطريقة :

في صحن كبير ديري ثلاث بيضات مع نص كاس اينوكس زيت وملعقة كبيرة خميرة خميرة الخبز ومغرف ملح ومغرف كبيرة ونصف سكر زيدي فوقهم كاس وثلاث ارباع حليب سائل دافي وربع الكاس ماء زهر يعني زوج كيسان اينوكس بين الحليب وماء الزهر واللي ماتحبش ماء الزهر تعوضو بالحليب يعني زوج كيسان حليب.

خلطي الكل مليح مليح بالباتور

وزيدي 1كلغ بالضبط فرينة من دون زيادة ولا نقصان وزيدي 1خميرة نتاع القاطو ومغرف ثانية من خميرة الخبز

خلطي من غير ماتعجني بملعقة خشبية . تتحصلي على عجينة تلصق خليها في نفس الصحن

وغطيه بكيس

ثم بمنشفة

وخلي العجينة تتخمر نصف ساعة في مكان دافيء.

ادهني زوج سنيوات نتاع الفرن بالزبدة وادهني يدك مليح بالزيت واقسمي العجينة على السنيوات الزوج.

زيدي ادهني يدك وحلي العجينة في السنيوة حتى تولي قيسها سقميها مليح راهي تاخد شوية وقت لان العجينة طرية بزاف وايلاستيك

ادهني الوجه بصفار البيض ورشي الجلجلان والسينوج

زيدي خليها تتخمر مرة تانية ربع ساعة في مكان دافء وهذا امر مهم ويعمل فرق ثم انقبي القرصة بفرشيطة ودخليها تطيب

لا تاخذ وقت كثير

وهذا بعد ماطاب خفيف كي القطن وساهل ماهل وخير من اللي يتباع.

ملاحظة: استعملي الزيت في يدك لان العجينة شوية سائلة وتلصق في يدك ادا ما تستعمليش الزيت تغلبك معاها
ادا ماتحبيش الخبز الخشين نقصي شوية من العجينة قبل ما تحطيها في السنيوات تتحصلي عاى زوج قرصات كبار وقرصة صغيرة اعطيهالي ليا ههههههه
هاد الكمية تعملك زوج قرصات كي يجو ولادك ولا يجيوك الضياف يخلصوهم في زوج دقائق لانه فعلا مثل القاطو.

* السيدة : بن غيدة
* 13 / 07 / 2013

كتب طبخ

كتب الطبخ العربية والاجنبية

جديد مدونة كتب الطبخ.

جديد مدونة كتب الطبخ.