جديد مدونة كتب الطبخ. |  |
- الرولي المالح / الشاف ام رامي / الدرس الخامس .
- الشخشوخة / الشاف ام رامي / الدرس الرابع .
- المطبخ الايطالي .
| الرولي المالح / الشاف ام رامي / الدرس الخامس . Posted: 19 May 2013 10:59 PM PDT  *** منظر جانبي :  السلام عليكم ورحمة الله وبركاته درسنا الخامس رولي مالح لذيذ جداا من مطبخي وينفع كمقبل للضيوف انا ماكنش عندي لحم مرحي استعملت اسكالوب رحيته وتبلته مليح وطيبته  ملعقة كبيرة بصل + ثوم + زيت + طماطم حب ومصبرة وهريسة + فلفل حار مقطع + دبشة وملح وفلفل اسود وكمون وجوزة الطيب على نار هادية اكيد مع السكالوب المرحي حتى طاب ونشف مليح  جهزي زيتون اخضر مقطع دوائر + وريقات دبشة + فرماج في كيس مثقوب للتزييين  اخفقي ثلاث بيضات + ملعقة قهوة فرينة + قبضة خميرة كيميائية + ملح فلفل اسود جوزة الطيب ودبشة مقطعة رقيق سخني مقلاة تيفال او شواية وادهنيها بالزيت ونقصي النار واسكبي خليط البيض بمجرد ما ينشف ضعي الفرماج ثم اللحم ثم الفرماج ولفي     حطيه في صحن اقسميه كيما الرولي وزيني بالفرماج ودوائر الزيتون ووريقات الدبشة  و هذه النتيجة النهائية :  ملاحظة : لازم كمية اللحم تكون كثيرة باه الرولي يجي مرتفع وشكله جميل . *** شهية طيبة للجميع *** الشاف : ام رامي 20 / 05 / 2013 |
| الشخشوخة / الشاف ام رامي / الدرس الرابع . Posted: 19 May 2013 10:36 AM PDT  *** منظر مقرب :  السلام عليكم ورحمة الله وبركاته رايحين نرجعوا للتقليدي وهذه المرة انا اخترت ان اقدم لكم في الدرس الرابع الشخشوخة او المفرمسة او الفطير كما يسميه البعض على طريقتي يللا اترككم مع الطريقة نحتاج سميد ناعم يعني مغربل حطي الكمية اللي تحبي + ملح + قطرات خل لكي يجعلها متماسكة و لا تتقطع  نبلل كل شيء بالماء الدافء  نغطيها بكيس بلاستيكي يكون ملامس للعجينة ونتركها قدر المستطاع ساعة ساعتين او اكثر  ثم نعجنها بجهاز العجن او اليدين . انا السميد نتاعي يشرب الماء درتها شوية مرخوفة وتماسكت فيما بعد  نكورها قد حبات المندرين ونغطيهم بكيس ونخليهم يرتاحوا نص ساعة  ندهن الصينية بالزيت ونقرصها متوسطة  ثم نبدا نكسل فيها من الوسط الى جميع الاتجاهات حتى تصبح شفافة    نحملها برفق  ونطهيها فوق طاجين الحديد على نار ضعيفة جدااا  نقلبها بحيث تكون الحواشي في الوسط باه ينشفو  وهكذا نكمل حتى ننهي جميع الكريات نحطهم فوق بعض ونغطيهم بمنديل لاحظوا كانها اوراق ديول كلها بيضاء وشفافة  نلفها على بعضها ونقصها بالمقص شرائط  نحلهم  هاهي  عند التقديم ما تفوروهاش لانها شفافة ورقيقة تمتص البخار وتزيد تسقوها تتعجن حطوا الكمية المراد تقديمها في صيبنية وسخنوها في الفرن بالنسبة للمرق عادي نحتاج حبة بصل كبيرة فلفل حار حسب الرغبة +قطع دجاج +كمشة حمص + ثوم وشحم مداوي + طماطم مصبرة وهريسة واكيد زيت ملح وتوابل  نقلي البصل والثوم والدجاج والملح والزيت والتوابل مليح ثم نضيف الطماطم والهريسة والحمص ونمرق ونغلق الكوكوت ولازم المرق يكون خاثر بالنسبة للفلفل انا فورتوا وبعد ما طابت المرقة نحيت حق اولادي واضفت الفلفل لباقي المرق للكبار يعني عند التقديم نحط الشخشوخة ونضع فوقها قطع الدهان ثم الدجاج والحمص والمرق وتقدم  * و هذا شكلها النهائي .     بصحة و عافية و بالتوفيق للجميع . الشاف : ام رامي 19 / 05 / 2013 |
| Posted: 19 May 2013 09:46 AM PDT |
| You are subscribed to email updates from كتب الطبخ cooking books . To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |